Gazeta “Panorama Sport” i ka kushtuar vëmendje 3 lojtareve femra që kanë shënuar më shumë gola dhe që do të pretendojnë cmimin ” Kepuca e artë” në dhjetor 2023.

Kampionati i futbollit të femrave po dhuron një garë interesante për sa i përket titullit të golashënueses më të mirë. Megi Doçi e Vllaznisë, Valentina Troka e Apolonisë dhe Anela Vishkulli e Tiranës, kanë vijuar garën me golat e shumtë të shënuar në javën e 16-të.

Megi Doci ka shenuar 16 gole me Kinostudion, Valentina Troka e Apolonise ka shënuar 8 gola ndaj Skënderbeut në Korçë,  Anela Vishkulli e Tiranes ka realizuar 7 gola ndaj Lushnjës.

Kështu, pas javës së 16-të, Megi Doçi merr kryesimin në listën e golashënuesve, teksa me 59 gola parakalon Velentina Trokën që ka 56. Ndërsa e treta pozicionohet Anela Vishkulli me 42 gola.

Kujtojmë se Valentina Troka është lojtare goli dhe ka shënuar edhe me kombëtaren Shqiptare, duke qenë nder golashenueset më të shquara në vend.