Ekipi U19 i FK Apolonia arriti një fitore të pastër me rezultatin 3-0 ndaj FC Dinamo City, në ndeshjen e vlefshme për kampionatin Abissnet Superiore U19.

Protagonist absolut i takimit ishte Muhamed Mehmeti, i cili realizoi një tregolësh në minutat 10’, 38’ dhe 71’, duke i dhënë skuadrës fierake një triumf të merituar përpara tifozëve të vet.

Kjo fitore forcon pozitat e Apolonisë në kampionat dhe tregon formën e mirë të ekipit në këtë fazë të sezonit.