FK Apolonia i beson drejtimin e skuadrës për pjesën e mbetur të sezonit trajnerit Matias Ezequiel Tatangelo. 39-vjeçari me kombësi italiane, i lindur në Argjentinë, sjell me vete një eksperiencë të pasur në futbollin ndërkombëtar dhe është i pajisur me licencën UEFA Pro.

Kjo është hera e dytë brenda pak muajsh që Tatangelo punon në Shqipëri, pasi më herët ka drejtuar ekipin e Shirokës në Kategorinë e Tretë, nga janari i vitit 2025 deri në largimin e tij pas disa muajsh.

Pavarësisht moshës së re, ai ka një karrierë të pasur si trajner, duke drejtuar klube të ndryshme në Argjentinë, Amerikën Latine dhe Republikën Domenikane. Disa prej ekipeve ku ai ka punuar janë CA Jorge Newbery, Atlético Mictlán, Club Deportivo Serrato Pacasmayo, Inter RD, Club Sport Ancash, CD Santa Rita, Fuerza Amarilla SC, Sanarate FC, CD Malacateco, Santa Lucía Cotzumalguapa FC dhe Cobán Imperial.

Me përvojën dhe vizionin e tij, FK Apolonia synon të përmirësojë performancën në pjesën e mbetur të sezonit.

I urojmë trajnerit Tatangelo suksese në këtë rrugëtim të ri me skuadrën tonë!