Ndeshja midis FK Kukësit dhe FK Apolonisë, e luajtur në “Kukës Arena”, përfundoi me rezultatin 1-2 në favor të Apolonisë.
Në një takim mjaft të luftuar dhe plot emocione, Apolonia tregoi forcën e saj në fushë, duke arritur një fitore të rëndësishme.
Golin e parë për Apoloninë e shënoi Xhovalin Trifoni në minutën e 45′ me asist të Mmesoma Anthony Umejiego, duke e dërguar ekipin në avantazh në fund të pjesës së parë.
Kukësi, megjithatë, reagoi duke barazuar rezultatin në minutën e 67′ me një penallti të realizuar nga Mario Beshiraj.
Megjithë presionin e Kukësit, Apolonia arriti të sigurojë fitoren në minutën e 89′ kur Enea Topi shënoi golin vendimtar.
Kjo fitore është një tjetër sukses për ekipin fierak, duke u ngjitur në vendin e katërt në renditjen e kampionatit.