Në ndeshjen e javës së radhës të zhvilluar në stadiumin “Loni Papuçiu”, FK Apolonia dhe AF Luftëtari u ndanë në barazim 1-1.

Pjesa e parë foli për lojë të baraspeshuar, me raste nga të dyja skuadrat, por pa gola. Miqtë nga Gjirokastra kaluan të parët në avantazh në minutën e 49-të me golin e shënuar nga Mario Merkuri.

Apolonia reagoi dhe luftoi deri në fund. Përpjekjet e skuadrës u shpërblyen në minutën e 89-të, kur Mmesoma Anthony Umejiego u tregua i saktë nga pika e bardhë e penalltisë, duke vendosur shifrat 1-1.

Me këtë rezultat, Apolonia siguron një pikë të rëndësishme në shtëpi.