Në një ndeshje të luftuar deri në fund, Apolonia arriti të mundi K.F. Valbonën dhe të dalë me tri pikë nga stadiumi “Loni Papuçiu”, duke fituar me rezultatin 2-1.
Ishte skuadra mike që bëri golin e parë, duke kaluar në avantazh që në minutën e 11-të me golin e Kapllan Xhabaftit.
Apolonia reagoi dhe arriti të barazojë pak para pushimit.
Në minutën e 43-të, Mmesoma Anthony Umejiego u tregua i saktë nga pika e bardhë e penalltisë, duke dërguar ekipet në dhomat e zhveshjes në pushim me rezultatin 1-1.
Në pjesën e dytë, Apolonia mori plotësisht kontrollin e lojës dhe kërkoi me ngulm golin e avantazhit.
Përpjekjet u shpërblyen në minutën e 68-të, kur Erald Maksuti shënoi golin e dytë, duke vulosur fitoren për fierakët.
Pavarësisht përpjekjeve të Valbonës në minutat e fundit, Apolonia administroi rezultatin dhe siguroi një fitore të rëndësishme në shtëpi.