FK Apolonia shënoi një fitore të thellë në transfertë kundër KF Teutës, duke triumfuar me rezultatin 0-9 në ndeshjen e luajtur në Aneksin “Niko Dovana”.

Skuadra fierake tregoi superioritet të plotë gjatë gjithë takimit, duke vendosur rezultatin që në minutat e para të sfidës.

Goleada e Apolonisë u hap në minutën e 11-të nga Bruna Lisandra Tenutti De Souza, e cila dyfishoi avantazhin edhe në minutën e 19-të. Klea Hamonikaj ishte protagonistja kryesore e ndeshjes me një tregolësh të realizuar në pjesën e parë (16′, 22′, 45′) dhe një tjetër gol në minutën e 70-të, duke kompletuar një paraqitje fantastike.

Vanesa Levendi kontribuoi me dy gola të tjerë në minutat 21′ dhe 64′, ndërsa Erisa Alushaj vulosi fitoren e thellë me një gol në minutën e 80-të.

Me këtë rezultat, FK Apolonia Femra konfirmon formën e saj të shkëlqyer në kampionat.