Ndeshja midis FK Tomori dhe FK Apolonia në Kategorinë e Parë të futbollit e zhvilluar në Berat, në stadiumin “Tomori” mbaroi me fitoren e KF Tomorit me rezultatin 2-1.
Mmesoma Anthony Umejiego ka hapur lojën për Apoloninë në minutën e 8 me një gjuajtje precize që ka gëzuar tifozët dhe ekipin.
Nga ekipi kundërshtar Ervis Caco i Tomorit ka shënuar golin e barazimit në minutën e 38, duke bërë ndeshjen të tensionuar deri në momentet e fundit.
Elvis Gjoni ka shënuar golin vendimtar për Tomorin në minutën e 90’+1′.
Ekipi ynë zhvilloi një ndeshje larg pritshmërive dhe nivelit të vet si skuadër.
Pritej një lojë më e mirë dhe pse jo, fitore ndaj Tomorit.
Pas kësaj humbjeje Ekipi i FK Apolonisë renditet i 5-ti në klasifikim me 27 pikë.