FK Apolonia barazoi 2-2 ndaj AF Luftëtari, në ndeshjen e zhvilluar në stadiumin “Gjirokastra”, në kuadër të Kategorisë së Parë.

Skuadra jonë kaloi në avantazh në minutën e 21-të me golin e shënuar nga Ersildjo Asllanaj. Vendasit reaguan dhe arritën të përmbysin përkohësisht rezultatin me golat e shënuar nga Ardit  Ziaj dhe Philip Ikeocha.

Në pjesën e dytë, Apolonia kërkoi me këmbëngulje rikthimin në lojë dhe arriti të barazojë shifrat në minutën e 86-të me golin e realizuar nga Eneh Ndubuisi Francis, duke vulosur rezultatin përfundimtar 2-2.