Në kuadër të kampionatit të Abissnet Superiore për Femra, skuadra e FK Apolonia Femra pati një performancë të shkëlqyer ndaj KFF Kinostudio në një ndeshje që u zhvillua në Qendrën Kombëtare Sportive në Kamëz.
Vajzat e FK Apolonia dëshmuan fuqinë e tyre në fushën e lojës duke siguruar një fitore të qartë me rezultatin 5-0.
Golat u shënuan nga Beatrice Adawoed Sesu në minutat 9 dhe 27, duke vazhduar me kontributin e Albana Malaj në minutën e 19, Lorna Nyabuto në minutën e 68 dhe golin e fundit nga Valentina Troka në minutën e 76.
Kjo fitore dëshmon përkushtimin dhe aftësinë e skuadrës së Apolonisë për të arritur sukses në kampionatin e “Abissnet Superiore Femra”.
Kujtojmë se FK Apolonia femra është finaliste e Kupës dhe pretendente kryesore për të qenë kampione e Shqipërisë.