Apolonia U19 mposhti 3-1 kazakët e Astanës në “Elbasan Arena” dhe siguroi kualifikimin në finalen e “play-off” në UEFA Youth League. Ekipi fierak festoi pas golavarazhit të përgjithshëm 4-2, duke llogaritur barazimin 1-1 në transfertë.

Pjesa e parë përfundoi 1-0 për Apoloninë falë golit të Erald Maksuti (14’). 18-vjeçari realizoi edhe golin e dytë personal në minutat e para të fraksionit të dytë të takimit (48’), ndërkohë që Arlind Kurti trefishoi rezultatin 18 minuta përpara fundit të takimit.