FK Apolonia dominoi plotësisht në ndeshjen e zhvilluar në stadiumin “Loni Papuçiu” në Fier, ku fitoi bindshëm me KF Erzenin me rezultatin e thellë 5-0.
Apolonia e hapi serinë e golave në minutën e 3-të me një realizim të saktë nga Erald Maksuti, i cili shënoi sërish në minutën e 48-të.
Mmesoma Anthony Umejiego shënoi në minutën e 36-të nëpërmjet penalltisë së realizuar saktë, ndërsa Xhovalin Trifoni shtoi dy gola të tjerë në minutat 38 dhe 61, duke e vulosur kështu fitoren e thellë të ekipit.
Me këtë triumf, Apolonia tregon fuqinë dhe formën e saj të shkëlqyer në kampionat.
Ekipi fierak u zgjua dhe po tregon vlera, futbolli të bukur dhe ambiciet për të shkuar në krye të klasifikimit.