FK Apolonia zhvilloi ndeshjen e parë të kampionatit të Kategorisë së Parë, duke u përballur me FK Kukësin në stadiumin “Kukës Arena”. Sfida përfundoi me rezultatin 2-1 në favor të vendasve.

Golat për Kukësin u shënuan nga Oniks Grezda në minutën e 48-të dhe Redon Dragonshi në minutën e 65-të. Ndërkohë, fierakët nuk u dorëzuan deri në fund dhe arritën të gjejnë rrugën e rrjetës në minutën e fundit të takimit me Mmesoma Anthony Umejiego.

Pavarësisht rezultatit, skuadra tregoi karakter dhe vendosmëri, duke lënë shenja pozitive për vazhdimësinë e kampionatit.