Në një ndeshje plot emocione, FK Apolonia triumfoi ndaj FK Vorës me rezultatin 2-0 në stadiumin “Loni Papuçiu”.
Fitorja u hap nga goli i Erald Maksutit që në minutën e 10-të, duke vendosur Apoloninë në avantazh të hershëm. Më pas, në minutën e 38-të, Mmesoma Anthony Umejiego e dyfishoi rezultatin me një ekzekutim të saktë të penalltisë.
Vora pati një mundësi për të ndryshuar rezultatin në minutat e fundit të shtesës me një penallti të Manfredas Ruzgis, por rezultoi e pasaktë.
Një ndeshje e dominuar nga Apolonia dhe një mbrojtje e fortë që i dha skuadrës tre pikë të vlefshme në këtë përballje.
Me këtë fitore fierakët ngjiten në vendin e 6-të të klasifikimit.