Me rezultatin 3-2 mbaroi ndeshja midis U19 të FK Apolonia dhe FK Partizanit në “shtëpi”, në Fier.
Ishte një ndeshje e luftuar, me zbritje dhe kundërzbritje dhe shumë tension nga ana e Partizanit dhe trajnerave të kësaj skuadre.
Ishte një fitore plotësisht e merituar e Apolonisë në këtë përballje me kreun e kategorisë.
Partizani e nisi ndeshjen duke shënuar dy gola në minutat e para të lojës, me Ledion Xhetani në minutën e 2-të dhe Tedi Malaj në minutën e 17-të.
Megjithatë, ekipi i Apolonisë nuk u dorëzua dhe shfaqi karakter dhe vendosmëri të lartë.
Keniani Kevin Wangaya Injehu u bë protagonisti i Apolonisë, duke shënuar dy gola në minutat 29 (penallti) dhe 78.
Por, emocionet nuk mbaruan këtu, pasi Klejdi Hoxhaj shënoi një gol spektakolar në minutën 45’+3, duke siguruar fitoren e ekipit. Një skuadër kompakte, me shpirt dhe e përqendruar fort në lojë dhe me besimin e patundur se do përmbyste rezultatin sic ndodhi.
Ky rezultat afirmoi aftësitë dhe karakterin e ekipit U19 të FK Apolonia, duke u renditur kështu në vendin e 8-të në klasifikim.
Trajneri Nikolin Çoçlli shprehet i kënaqur për lojën e shkëlqyer të skuadrës së tij dhe shprehet besimplotë se do fitojë në Shkodër me Vllazninë javën e ardhshme.
