U-11 meshkuj shpallet kampioni i Garave Rajonale Fier!

U zhvillua finalja derbi Apoloni-Apollo 16, në kuadrin e garave të kategorisë së ll-të të Shoqatës Rajonale të Futbollit Fier, me rezultatin 3-0.

Djemtë e Apolonia U-11 bënë një ndeshje të shkëlqyer duke e mundur skuadrën e Apollo 16.

Ndeshja u zhvillua në stadiumin “Loni Papuçiu”, me një numër të madh prindërish dhe tifozësh fierakë që ndoqën ndeshjen duke mbështetur plot entuziazëm skuadrën e zemrës dhe fëmijët e tyre. Ishte një atmosferë fantastike dhe një spektakël i vërtetë me protagonistë djemtë e F.K. Apolonia që bënë 3 gola.

Ekipi ynë ishte i frymëzuar dhe krenar për paraqitjen e shkëlqyer që bënë në fushë, për lojën e bukur, energjinë dhe entuziazmin e fituesit të garës.

Trajneri Ndinjon Përmeti u shpreh: ”Dje u mbyll kampionati  për U-11 meshkuj. Ishin ndeshje shumë të vështira me ekipet e Vlorës, Lushnjës, Fierit, Ballshit dhe Beratit. Gara u kurorëzua me  finalen,  ku djemtë tejkaluan çdo pritshmëri si në lojë ashtu dhe në rezultat. Loja e tyre fantastike u fali shumë emocione të pranishmëve në stadium. ”