Apolonia U21 fiton ndaj Korabit

U zhvillua në Fier ndeshja U21 FK Apolonia – KS Korabi dhe përfundon me rezultatin 1-0. Goli i vetëm i ndeshjes u shënua për Apoloninë nga Anthony Umejiego në minutën e 40-të.

Drejtori teknik i Akademisë Fk Apolonia, Mariglen Kule, referuar ndeshjes në fjalë shprehet se:

“Djemtë sot zhvilluan një ndeshje të mirë. Këtë e treguan sidomos në fazën e zotërimit të topit, në presionin që bën mbi kundërshtarin dhe në rastet e krijuara ku erdhën si rrjedhojë e lojës së bukur. Arritëm të shënonim një gol fantastik, një kombinim mes lojtarëve Maksuti dhe Anthony, me këtë të fundit që e realizoi golin. Skuadra sot sic e thashë bëri një lojë për t’u admiruar!”